National Strike November 26th

[Since 1983]

Demands:

1. Ensure Rs.7, 500 Cash for Each Family in This Country Those Who Can’t Afford to Pay Income tax. (Even African States Provide Minimum Befits For Their Citizens in This Pandemic Period Why India Not?) வருமானவரி கட்டாத எல்லா குடும்பங்களுக்கும் மாதம் 7500 ரூபாய் ரொக்கமாக வழங்கிடு!

2. Ensure 10 kg Ration Rice For Every Citizen Those in Marginalized Section. நபர் ஒருவருக்கு 10 கிலோ ரேஷனை அனைத்து ஏழை மக்களுக்கும் உறுதிசெய்!

3. Increase the Rajiv Gandhi National Rural Development Program 100 days to 200 days And Increase the Daily Wages. And Extent it Villages to Cities. தேசிய ஊரக வேலைவாய்ப்பு உறுதித் திட்டத்தை கூடுதல் ஊதியத்துடன் 200 நாட்களாக அதிகப்படுத்து! வேலைவாய்ப்பு உறுதித் திட்டத்தை நகர்ப்புறத்துக்கும் விரிவுபடுத்து!

4. Withdraw All Recent Farmers Workers Bills those unfavorably for Common Peoples of This Land. அனைத்து விவசாயிகள் விரோத, தொழிலாளர் விரோதச் சட்டங்களையும் திரும்பப்பெறு!

5. Immediately Stop Privatization in Financial And Public Sectors of Railway, Arms, Harbor, Production and Service Sectors நிதித்துறை உள்ளிட்ட பொதுத்துறை தனியார்மயத்தை நிறுத்து! ரயில்வே, ஆயுதத் தயாரிப்பு, துறைமுகம் உள்ளிட்ட அரசு நடத்தும் உற்பத்தி மற்றும் சேவைத்துறைகள் தனியார்மயத்தை நிறுத்து!

6. Withdraw All The Notices of Compulsory Retirement Schemes For Govt and Public Sector Employees. அரசாங்க ஊழியர்கள், பொதுத்துறை ஊழியர்களுக்கு அனுப்பப்பட்ட கொடுங்கொன்மையான, கட்டாய, அகால விருப்ப ஓய்வு சுற்றறிக்கையைத் திரும்பப்பெறு!

7. Ensure Pension for Every Citizen and Withdraw The New Pension Plan, Revoke and Improve 1995 EPS Pension Plans Immediately. அனைவருக்கும் பென்ஷன் வழங்கிடு! புதிய பென்ஷன் திட்டத்தைக் கைவிட்டு பழைய பென்ஷன் திட்டத்தை அமல்படுத்து! 1995 ஆம் ஆண்டு இ.பி.எஸ் பென்ஷன் திட்டத்தை மேம்படுத்து!

 

[Since 1983]

Finally... Punjab, Haryana Farmers Entered Delhi
Barricades Broken By Tractors
Land Mark Strike In Indian History ​

 

[Since 1983]

 

[Since 1983]

ஊரான் ஊரான் தோட்டத்துல
உழவன் போட்டான் கத்தரிக்காய்!
காசுக்கு இரண்டு விக்கச் சொல்லி
சட்டம் போடுரான் கொள்ளைக்காரன்!!

 

[Since 1983]

 

[Since 1983]

கம்யூனிஸ்டுகள் மேல கை வைக்கிற எந்தக் கொம்பனையும் விடமாட்டோம்...
-சு.வெங்கடேசன் எம்.பி
மதுரை போராட்டக் களத்தில் ...

​

 

[Since 1983]

​

 

[Since 1983]

இன்று மோடி அரசு அனுப்பிய ஆலோசனைகளை நிராகரித்த விவசாயிகள் போரட்ட ஒருங்கிணைப்புக் குழுவான சம்யுக்த கிசான் மோர்ச்சா போராட்டத்தைத் தீவிரப் படுத்த முடிவு செய்துள்ளது.
​

அதன் திட்டம்:

1. டிசம்பர் 12: நாட்டிலுள்ள அனைத்து சுங்கச் சாவடிகளையும் 'விடுதலை' செய்வது; டெல்லி-ஜெய்ப்பூர் நெடுஞ்சாலையை முடக்குவது

2. டிசம்பர் 14: டெல்லி, பஞ்சாப், ஹரியானா, மத்தியப் பிரதேசம், உத்தரப் பிரதேசம், ராஜஸ்தான், உத்தரகண்ட் ஆகிய மாநிலங்களைச் சேர்ந்த விவசாயிகள் மாவட்டத் தலைநகர்களில் வேலை நிறுத்தம், ஆர்ப்பாட்டம். பிற மாநில விவசாயிகள் காலவரையற்ற வேலை நிறுத்தம்.

3. ரிலையன்ஸ் ஜியோ சிம்மைப் புறக்கணிப்பது.

4. அம்பானி, அதானி நடத்தும் மால்கள், பெட்ரோல் நிலையங்களை புறக்கணிப்பது.

5. நாடு முழுவதிலுமுள்ள பிஜேபி அலுவலகங்களை முற்றுகையிடுவது.

​

 

[Since 1983]

1. ஜியோ நெட்வொர்க்கில் இருந்து வேற நெட்வொர்க்கிற்கு மாற 20 லட்சம் பேர் விண்ணப்பித்துள்ளனர்
நம் விவசாயிகளுக்கு கிடைத்த முதல் வெற்றி.!

2. 165 Toll Plazas Free For Common Peoples. No Toll Charges, Most of The North India's National Highways In Farmers Hand.

3. விவசாயிகளின் கோரிக்கைகளை அரசுநிறைவேற்றாவிட்டால் ராஜினாமா-ஹரியானா துணை முதல்வர்.

 

[Since 1983]

இந்திய அரசு சமீபத்தில் கொண்டுவந்த மூன்று விவசாய சட்டங்களை ரத்து செய்ய வலியுறுத்தி டெல்லி எல்லைப் பகுதிகளில் விவசாயிகள் நடத்திவரும் போராட்டம் ராஜஸ்தான் - ஹரியாணா எல்லைக்கும் பரவிவிட்டது.

இதன் மூலம் டெல்லியை நோக்கி வரும் இன்னொரு நெடுஞ்சாலையும் முடக்கப்பட்ட நிலை உருவாகியுள்ளது.
ராஜஸ்தான் விவசாயிகளும் இந்தப் போராட்டத்தில் இணைந்துகொள்வார்கள் என்று விவசாயிகள் போராட்டக் குழுத் தலைவர்கள் சில நாள்களுக்கு முன்பு அறிவித்திருந்தனர்.

அதன்படி இன்று ஞாயிற்றுக்கிழமை ஜெய்ப்பூர் - டெல்லி சாலையில் டெல்லி சலோ பேரணி தொடங்கும் என்று அவர்கள் நேற்று கூறியிருந்தனர்.

இந்நிலையில், இன்று ஞாயிற்றுக்கிழமை ஷாஜஹான்பூரில் ராஜஸ்தான் ஹரியாணா எல்லைப் பகுதியில் ஏற்கெனவே நடந்து வரும் போராட்டத்தில் நூற்றுக்கணக்கான விவசாயிகள் டிராக்டர்களிலும், கார்களிலும், பேருந்துகளிலும் வந்து சேர்ந்தனர்.

தேசிய நெடுஞ்சைலையை மறிக்கவும், டெல்லி நோக்கி செல்லவும் அவர்கள் முயற்சிக்கின்றனர். அவர்களில் பெரும்பாலோர் ஹரியாணா, பஞ்சாப், ராஜஸ்தான் மாநிலங்களில் இருந்து வருகிறார்கள்.

"நான் மேவாரில் இருந்து நேற்றிரவு கிளம்பினேன். என் சகோதரர்களோடு இணைந்து போராட்டம் செய்வதற்காக புறப்பட்டேன். போர்வை போர்த்திக்கொண்டு இரவு, வழியில் படுத்து தூங்கினேன். மீண்டும் காலையில் பயணத்தைத் தொடர்கிறேன்" என்று எங்களிடம் கூறினார் 60 வயது விவசாயி சிவக்குமார். அவர் காரில் வந்திருந்தார். அவரது காரின் மேல் படுக்கை கட்டப்பட்டிருந்தது.

கொடிகள் ஏந்தி, முழக்கம் எழுப்பும் பெண்கள்

போராட்டத்தின் முன் களத்தில் பல பெண்கள் இருக்கிறார்கள் என்பது குறிப்பிடத்தக்கது. சுமார் 50 பெண்கள் கொடிகளை ஏந்தியபடி போராட்டத்தை வழி நடத்துகிறார்கள். அவர்கள் முழக்கம் எழுப்புகிறார்கள். பாட்டுப் பாடுகிறார்கள்.

6 மாதம் போராடுவேன்: குழந்தைகளை கணவர் பார்த்துக் கொள்வார்

"இங்கே நான் 6 மாதம் தங்குவதற்குத் தயாராக வந்திருக்கிறேன். என் கணவர் பிள்ளைகளைப் பார்த்துக்கொள்கிறார். நான் அவர்களுக்காக போராடுகிறேன்" என்று எங்களிடம் கூறினார் பஞ்சாபில் இருந்து வந்திருந்த மன்பிரீத் கௌர் என்ற பெண்.

ஷாஜஹான்பூர் எல்லையில் இருந்து 6 கி.மீ. தொலைவில் தொடங்கிய இந்தப் பேரணியில் விவசாயிகளோடு யோகேந்திர யாதவ், மேதா பட்கர் போன்ற செயற்பாட்டாளர்கள் சேர்ந்துகொண்டார்கள்.
"நாங்கள் அமைதியாகப் போராட வந்திருக்கிறோம். எங்களை டெல்லிக்கு அனுமதிக்காவிட்டால் நாங்கள் எல்லையில் அமைதியாக உட்கார்ந்துகொள்வோம்" என்று யோகேந்திர யாதவ் கூறினார்.

அந்த இடத்தில் ஏராளமான ஹரியாணா போலீசார் குவிக்கப்பட்டிருந்தனர். அவர்கள் போராட்டக் காரர்கள் எல்லையைக் கடப்பதைத் தடுத்தனர். இதையடுத்து டெல்லியை நோக்கி வருகிற மற்றொரு நெடுஞ்சாலையான அந்த சாலையை மறித்தபடி விவசாயிகள் அமைதியாக அமர்ந்துவிட்டனர்.

இதன் மூலம் இந்திய அரசுக்கு எதிரான தங்கள் போராட்டத்தில் விவசாயிகள் இன்னும் ஒரு கள முனையை திறந்திருக்கிறார்கள். டெல்லியை நோக்கி வரும் கிட்டத்தட்ட அனைத்து சாலைகளும் முடக்கப்பட்டுள்ளன.

இது தொடக்கம்தான் என்று பதில் அளித்தார் செயற்பாட்டாளர் மேதா பட்கர். "நாளை விவசாயிகள் பஞ்சாயத்து நடக்கிறது. சில நாள்களில் எண்ணிக்கை இங்கே உயரும். சட்டங்கள் ரத்து செய்யப்படும் வரை நாங்கள் நகரமாட்டோம்" என்று பிபிசியிடம் தெரிவித்தார் மேதா பட்கர். டெல்லியை ஒட்டி உள்ள சிங்கு, டிக்ரி எல்லைகளில் காணப்படுவதைப் போன்ற சூழ்நிலை ஷாஜஹான்பூரிலும் ஏற்பட்டு வரும் நிலையில், போராட்டம் தீவிரமடைந்திருப்பதாகவே தெரிகிறது.

Source: BBC Tamil.

 

[Since 1983]

​

 

[Since 1983]

ஒரு நீண்ட போராட்டத்திற்குத் தயாராவோம்​

விவசாய சங்கங்கள் அறைகூவல் விடுத்த டிசம்பர் 8 பாரத் பந்த், மக்களின் ஆதரவுடன் மகத்தான வெற்றிபெற்றது.பந்த் அறைகூவலுக்கு நாட்டின் பல பகுதிகளிலும் தொழிற்சங்கங்கள், வர்த்தக நிறுவனங்கள், போக்குவரத்து ஊழியர் சங்கங்கள், ஆசிரியர்கள், மாணவர்கள், மாதர்அமைப்புகள் எனசமூகத்தின் அனைத்துத்தரப்பினரும் தன்னெழுச்சியான முறையில் பங்கேற்று வெற்றியைத் தேடித் தந்திருக்கின்றனர். இது, இந்தப் பிரச்சனையில் மோடி அரசாங்கம் தனிமைப்பட்டிருப்பதையே காட்டுகிறது. மேலும், இக் கிளர்ச்சி நடவடிக்கைக்கு, அநேகமாக பாஜக அல்லாத எதிர்க்கட்சிகள் அனைத்தும் தங்கள் ஆதரவினை வெளிப்படுத்தி இருக்கின்றன. குறிப்பாக, மத்திய அரசின் பாஜக அரசாங்கத்தின் கொள்கைகளுக்கு எதிராக இதுவரை தங்களைக் காட்டிக் கொண்டிராத மாநில ஆளும் கட்சிகள் கூட இப்போது தங்கள் எதிர்ப்பினைப் பதிவு செய்திருப்பது குறிப்பிடத்தக்க ஒன்றாகும்.

மாநில ஆளும் கட்சிகளின் ஆதரவு

தெலுங்கானாவில், ஆளும் தெலுங்கானா ராஷ்ட்ரிய சமிதி பந்த் வெற்றி பெறுவதற்கு சுறுசுறுப்பாக வேலை செய்தது. அதே போன்று ஆந்திராவில் ஒய்எஸ்ஆர்சிபி அரசாங்கமும், விவசாயிகளின் கோரிக்கைகளுக்கு மதிப்பளித்து, அரசாங்க அலுவலகங்கள் அனைத்தையும் மூடியும், போக்குவரத்து மற்றும் கல்வி நிறுவனங்களை 1 மணிவரையிலும் மூடியும் ஆதரவு அளித்துள்ளது. ஒடிசாவிலும் கூட பிஜு ஜனதாதளம் பந்த்திற்கு ஆதரவு நல்கவில்லை என்ற போதிலும், விவசாயிகளின் கோரிக்கைக்கு ஆதரவு தெரிவித்து, அரசாங்க அலுவலகங்களை மூடிவிட்டது.விவசாய சங்கங்களின் கோரிக்கைக்கு பல்வேறு அரசியல் கட்சிகளின் கொள்கைநிலைகளுக்கு அப்பாற்பட்டு மிகவும் விரிவான அளவில் ஆதரவு கிடைத்திருப்பது, கோரிக்கையின் வர்க்கப் பிளவினைத் தெளிவாக அடிக்கோடிட்டுக் காட்டுகிறது. கார்ப்பரேட் ஆதரவு வேளாண்சட்டங்கள், ஒரு பக்கத்தில் பெரும் முதலாளிகளுக்கு ஆதரவாகவும், மறு பக்கத்தில் பணக்கார விவசாயிகள் உட்படஅனைத்துத் தரப்பு விவசாயிகளையும் ஒருங்கிணைத்திருக்கிறது. முதலாளித்துவ நிலப்பிரபுக்களில் கூட பிளவு ஏற்பட்டிருக்கிறது. இவையனைத்தும் சேர்ந்துதான் நடைமுறையில் விவசாயிகளின் கோரிக்கைக்கு மாநிலக் கட்சிகளிடமிருந்தும் ஆதரவினை ஒருமனதாக ஏற்படுத்திக் கொடுத்திருக்கிறது.

விவசாயிகள் - தொழிலாளர்கள் ஒற்றுமை அதிகரிப்பு
இப்போராட்டத்தினூடே உருவாகி வளர்ந்துள்ள மற்றுமொரு முக்கியமான அம்சம், விவசாயிகள் – தொழிலாளர்கள் ஒற்றுமை அதிகரித்திருப்பதாகும். மோடி அரசாங்கம், மூன்று வேளாண் சட்டங்களிலும் மற்றும் தொழிலாளர் நலச் சட்டங்களை முதலாளிகள் நலச்சட்டங்களாக மாற்றியும், நடந்து முடிந்த நாடாளுமன்றக் கூட்டத்தொடரில் வெளிப்படையாகவே கார்ப்பரேட்டுகளுக்கு ஆதரவான நிலை எடுத்ததற்குப் பின்னர், விவசாயிகளும், தொழிலாளர்களும் இவ்விரு தாக்குதல்களுக்கு எதிராகவும் ஒன்றுபட்டுப் போராட முன் வந்திருக்கின்றனர்.மோடி அரசாங்கம், இந்த மூன்று வேளாண் சட்டங்களையும் முதலில் இந்த ஆண்டு ஜூன் மாதத்தில் அவசரச் சட்டங்களாகக் கொண்டு வந்தது. பின்னர் இந்த அவசரச் சட்டங்கள், செப்டம்பரில் நாடாளுமன்றத்தில் நடைமுறைவிதிகள் அனைத்தையும் ஓரங்கட்டிவிட்டு, சட்ட முன்வடிவுகளாகத் தாக்கல் செய்யப்பட்டன. அரசாங்கம், இவற்றை அவசரச் சட்டங்களாகப் பிரகடனம் செய்த போதே தன் நோக்கத்தைத் தெளிவுபடுத்திவிட்டது.
தனியார் துறைக்கும்

அந்நிய முதலீட்டுக்கும் சுதந்திரம்

எடுத்துக்காட்டாக, அத்தியாவசியப்பொருள்கள் சட்டத்தின் பட்டியலிலிருந்து வேளாண் பொருள்கள் அனைத்தையும் நீக்குவதற்காக, திருத்தங்கள் கொண்டு வரப்பட்டிருப்பது தொடர்பாக, அரசாங்கத்தின் தரப்பில் கூறப்பட்டிருக்கும் விளக்கம் என்ன தெரியுமா? “வேளாண்துறையில் தனியார் துறையும், அந்நிய நேரடி முதலீடும் தங்குதடையின்றி நுழைவதைக் கவர்வதற்காகவும், அதன்மூலம் பொருளாதாரத்தை வளப்படுத்துவதற்கு இட்டுச்செல்லும் விதத்தில் வேளாண் பொருள்களை உற்பத்தி செய்வதற்கும், வைத்திருப்பதற்கும், நீக்குவதற்கும், விநியோகிப்பதற்கும், சுதந்திரம் அளிக்க வேண்டும் என்பதேயாகும்,” என்று கூறியிருக்கிறது. வேளாண் சந்தைகளில் இருந்த கட்டுப்பாடுகளைஅகற்றவும், சந்தைகளை மாநில அரசுகளின் கட்டுப்பாட்டிலிருந்து பறித்தெடுத்து, கார்ப்பரேட் வேளாண் வர்த்தகம் மற்றும் பெரும் வர்த்தகர்கள் சுதந்திரமாகவும், தங்குதடையின்றியும் நுழைவதற்கும் வசதி செய்து கொடுக்கும் விதத்தில் மத்தியத்துவப்படுத்திடவும், இம்மூன்று வேளாண் சட்டங்களும் ஒருங்கிணைந்து உதவுகின்றன.

ஆபத்துக்களைப் புரிந்து கொண்ட விவசாயிகள்

வேளாண் அவசரச்சட்டங்கள் பிறப்பிக்கப்பட்ட சமயத்திலேயே, விவசாயிகள் இதில் உள்ள ஆபத்துக்களைப் புரிந்து கொண்டு விட்டார்கள். இவற்றுக்கு எதிரான இயக்கம் என்பதும் ஜூலையிலேயே துவங்கி விட்டது. தொழிற்சங்கங்களின் ஆதரவுடன் அகில இந்திய விவசாய சங்கங்களின் ஒருங்கிணைப்புக் குழு இந்த அவசரச்சட்டங்களுக்கு எதிராக ஆகஸ்ட் 5 அன்றே சிறை நிரப்பும் போராட்டத்தை அறிவித்தது. இதில் 25 மாநிலங்களிலிருந்தும், 600 மாவட்டங்களிலும் பல லட்சக்கணக்கானவர்கள் பங்கேற்றார்கள். பஞ்சாபில், அக்டோபர் 1 அன்று ரயில் மறியல் போராட்டம் நடைபெற்றது. ‘சம்யுக்த கிசான் மோர்ச்சா’ சார்பில் மத்தியத் தொழிற்சங்கங்களின் கூட்டுமேடை அறிவித்திருந்த அகில இந்திய வேலை நிறுத்த தினமான நவம்பர் 26 அன்று, ‘தில்லி செல்வோம்’ இயக்கத்திற்கும்அறைகூவல் விடுக்கப்பட்டது.தில்லியின் எல்லைகளில் மிகப் பெரிய அளவில் கிளர்ச்சிப் போராட்டங்களை எதிர்கொண்டுவரும் மத்திய அரசாங்கம், விவசாய அமைப்புகளின் பிரதிநிதிகளுடன் பேச்சு வார்த்தைகளைத் தொடங்கியது. மூன்று சுற்றுப் பேச்சுவார்த்தைகள் நடந்த பின்னர், அரசாங்கம் மூன்று வேளாண் சட்டங்களையும் மற்றும் மின்சார சட்டமுன்வடிவையும் ரத்து செய்ய விரும்பவில்லை என்பது தெளிவாகியிருக்கிறது.

கார்ப்பரேட் ஊடகங்கள்

பிரதமர் மோடி, எதிர்க்கட்சியினர் கிளர்ச்சிகளைத் தூண்டிவிடுவதாகவும், விவசாயிகளைத் தவறானமுறையில் வழிநடத்திக்கொண்டிருப்பதாகவும் குற்றம் சாட்டியிருக்கிறார். சென்ற நூற்றாண்டின் சட்டங்கள் தொன்மையானவை என்றும், அவற்றால் இப்போதைய நூற்றாண்டைக் கட்டி எழுப்பிடப் பயன்படுத்த முடியாது என்றும் கூறியிருக்கிறார்.அரசாங்கம், கார்ப்பரேட் ஆதரவு நடவடிக்கைகளைத் திரும்பப் பெறமுடியாது என்பதில் உறுதியாக இருக்கிறது. பெரும் முதலாளிகளின் வர்க்க நலன்களை, நாட்டிலுள்ள கார்ப்பரேட் ஊடகங்கள் தெளிவாக வெளிப்படுத்திக் கொண்டிருக்கின்றன. அவை, அரசாங்கம் எடுத்துள்ள நடவடிக்கைகளில் உறுதியாக இருக்க வேண்டும் என்றும், விவசாயிகளின் கோரிக்கைகளை நிராகரித்திட வேண்டும் என்றும் அரசாங்கத்தினை வலியுறுத்திக் கொண்டிருக்கின்றன. தி டைம்ஸ் ஆப் இந்தியா நாளேட்டின் டிசம்பர் 9 தலையங்கம் இந்த நிலைப்பாட்டைப் பிரதிபலித்திருக்கிறது. அது கூறுவதாவது: “அரசாங்கம், குறைந்தபட்ச ஆதாரவிலை அல்லது வேளாண் சட்டங்கள் மீது, கிளர்ச்சிப் போராட்டங்களின் நிர்ப்பந்தம் காரணமாக சமரசம் செய்துகொண்டால், இதன்மூலம் இந்தியாவில் மேற்கொள்ளப்படும் எவ்விதமான சீர்திருத்தத்திற்கான முயற்சியாக இருந்தாலும், அதனை எதிர்க்கட்சிகளில் சில குழுக்கள் நாசவேலைகள் மூலம் தடுத்திட முடியும் என்பதற்கும், நாட்டின் தலைநகரை முற்றுகையிட முடியும் என்பதற்கும் ஒரு சமிக்ஞையாக அமைந்துவிடும்.”

ஒன்றுபட்ட போராட்டமாக

அரசாங்கத்துடனான பேச்சுவார்த்தைகள் தோல்வியடைந்துள்ள நிலையில், விவசாய சங்கங்களின் கூட்டுமேடை போராட்டத்தைத் தொடர்வதைத் தவிர வேறு மார்க்கமில்லை. அரசாங்கம் எழுத்துப்பூர்வமாக அளித்த முன்மொழிவுகளை நிராகரித்து, போராட்டத்தைத் தீவிரப்படுத்த முடிவு எடுத்திருக்கிறார்கள். அவர்கள் வெளிப்படுத்தியுள்ள மகத்தான ஒற்றுமை மேலும் வலுப்படுத்தப்பட வேண்டும். இயக்கத்தைப் பிளவுபடுத்த அரசாங்கம் இழிமுயற்சிகளில் இறங்கியிருக்கக்கூடிய சூழ்நிலையில் இது மிகவும் முக்கியமாகும்.

விவசாயிகளின் இந்த உயிர்நாடியான போராட்டம் உழைக்கும் மக்களின் அனைத்துப் பிரிவினராலும் ஒருமைப்பாடு தெரிவிக்கப்பட்டு, ஆதரவு அளிக்கப்பட்டு, வலுப்படுத்தப்பட வேண்டியது அவசியமாகும். விவசாயிகளின் போராட்டங்களுக்கு ஆதரவு அளித்திடும் சிறப்புப் பொறுப்பு மட்டுமல்லாது, வேளாண் சட்டங்கள் மற்றும் தொழிலாளர் நலச் சட்டங்களுக்கு எதிராக நடைபெறும் இரட்டைப் போராட்டங்களை ஒருங்கிணைத்து, ஓர் ஒன்றுபட்ட போராட்டமாகக் கட்டி எழுப்பிடும் பணியும் தொழிலாளர் வர்க்க இயக்கத்தின் முன் உள்ளது.

Source: Peoples Democracy

​

 

[Since 1983]

​